नसते उद्योग करत प्रेक्षकांची धमाल करमणूक करणाऱ्या झी टॅाकीजच्या ‘न.स.ते.उद्योग’ कार्यक्रमाने अल्पावधीतच प्रेक्षकांची मने जिंकली आहेत. निखळ विनोदाच्या मेजवानी सोबत चित्रपटांच्या प्रसिद्धीस मोलाचे योगदान करणाऱ्या या कार्यक्रमात आजवर अनेक सेलिब्रीटींनी हजेरी लावली आहे.
बॉक्स ऑंफिसवर दणदणीत यश मिळवलेल्या ‘बॉंईज’ चित्रपटाची टीम ‘न.स.ते. उद्योग’ च्या मंचावर नुकतीच उपस्थित राहिली. रविवार ३ डिसेंबरला रात्री ९.०० वाजता हा भाग प्रसारित होणार आहे. तसेच रविवारी २४ डिसेंबरला ‘बॉंईज’ चित्रपटाचा धमाकेदार टेलिव्हीजन प्रिमियर झी टॅाकीज वर दुपारी १२.०० वा. आणि सायं. ६.०० वा. पहाता येणार आहे. यासोबत अवतार गिल, कुनिका, प्रियदर्शन जाधव, प्राजक्ता हनमघर, अंशुमन विचारे या कलाकारांनी‘न.स.ते. उद्योग’ च्या मंचावर घातलेला ‘धिंगाणा’ रविवार १० डिसेंबरला रात्री ९.०० वाजता प्रेक्षकांना पहाता येणार आहे. येत्या शुक्रवारी ८ डिसेंबरला या कलाकारांचा ‘धिंगाणा’ हा चित्रपट प्रेक्षकांच्या भेटीला येणार आहे. या निमित्ताने चित्रपटाच्या प्रमोशनसाठी ‘न.स.ते. उद्योग’ च्या मंचावर धिंगाणा चित्रपटाची टीम उपस्थित राहिली होती.
झी टॅाकीजच्या ‘न.स.ते. उद्योग’ च्या मंचावर ‘बॉंईज’ आणि ‘धिंगाणा’ चित्रपटाच्या टीमने उपस्थितीत राहत चांगलीच धम्माल उडवून दिली. येत्या रविवारी ३ डिसेंबर व रविवार १० डिसेंबर ला रात्री ९.०० वाजता हे दोन्ही भाग पहायला मिळणार आहेत.