नवीन वर्षाची सुरुवात.. नाविन्याने करायला हवी. आणि हे नावीन्य झी युवाच्या साथीने आपल्याला करायला मिळणार आहे . जुनी चौकट मोडू या ना...नव्या वाटा शोधू या ना’ हा सूर आहे सध्याच्या तरूणाईच्या जगण्याचा. अगदी छोट्या आनंददायी प्रसंगांपासून ते आयुष्यातील करिअरसारख्या मोठ्या यशाला गवसणी घालण्यापर्यंतचे प्रत्येक क्षण तरूणाई मनापासून साजरे करते. सरत्या वर्षाची पाने पलटताना नव्या अध्यायाचे पान उघडण्यातही तरूणाईमध्ये वेगळेच चैतन्य असते. नवं वर्ष हे फक्त कॅलेंडरचे पान बदलणे नव्हे, तर आयुष्याकडे पाहण्याचा वेगळा दृष्टिकोन आणि नव्या दिशा...नवे आकाश कवेत घेण्याचा विचार म्हणून भिनावा यासाठी तरूणाईच्या मनातील नव्या वर्षाच्या स्वागताची कल्पनाही अशीच भन्नाट असते. याच सळसळत्या उत्साही तरूणाईसोबत झी युवा या खास तरूणाईच्या मनातील भावनांचे प्रतिबिंब असलेल्या चॅनलने पुणेकरांना पर्वणी दिली ती अस्सल मराठी बाणा जपणाऱ्या नवीन वर्षाच्या स्वागताची ... . बाजीराव पेशवे आणि मस्तानीच्या हळूवार नात्याच्या पाऊलखुणा असलेल्या पुण्यातील शनिवार वाड्याच्या प्रांगणात; झी युवावरील कलाकार आणि मराठी इंडस्ट्रीच्या तारे तारकांनी झी युवाचा पहिला ग्रँड कार्यक्रम " युवोत्सव " गुरुवारी १५ डिसेंबरला सादरझाला . या कार्यक्रमात गाणी, स्किट आणि डान्सच्या विविध पेर्फोर्मन्सचा प्रेक्षकांनी पुरेपूर आनंद घेतला . १ जानेवारीला दुपारी १ वाजता आणि रात्री ८ वाजता हाच कार्यक्रम संपूर्ण महाराष्ट्राला पाहायला मिळणार आहे .
आपल्या आजूबाजूला घडणाऱ्या घटनांवर विनोदाची पेरणीकरणाऱ्या स्किटमध्ये हसता हसता अंतर्मुख करण्याची वेगळीच ताकदअसते. यासाठी छोट्या पडद्यावर स्टँडअप कॉमेडीचा स्टेज गाजवलेल्याविनोदवीरांनी आणि झी युवाच्या प्रसिद्ध कलाकारांनी, दारूशिवाय पार्टी ,नवीन दिवसाचा शोध , कोणतीही गोष्ट सेलिब्रेट करण्याचा सध्याचा बदलताट्रेंड, सोशलमिडियावरच्या पोस्ट लाइक आणि कमेंटचा खेळ, नव्यासणांच्या मालिकेत हरवत चाललेले पारंपरिक उत्सवाचे महत्व, वेगवेगळे डेसेलिब्रेशन अश्या विषयांवरील कोपरखळ्या आणि चिमटे घेणारे स्किट सादरकेले आणि हेच या शोची खासियत ठरली . विशाखा सुभेदार, शशिकांतकेरकर, हेमांगी कवी आणि कृतिका देव ही विनोदाची चौकडीने स्किटचास्टेज गाजवलाच पण त्यांच्या बरोबर झी युवाच्या मालिकांमधील शशांककेतकर , मधुरा कुलकर्णी . मिताली मयेकर , शुभंकर तावडे , रसिकावेंगुर्लेकर, ओंकार राऊत, विवेक सांगळे , सक्षम कुलकर्णी , ओमकारगोवर्धन , सिद्धी कारखानीस , केतकी पालव , अपूर्व रांजणेकर , स्नेहाचव्हाण या सर्व कलाकारांनी केलेल्या जबरदस्त सादरीकरनाने प्रेक्षकहीत्यांच्या प्रेमात पडले.
समोर तरूणाई असताना नव्या वर्षाच्या स्वागतसोहळ्यातडान्ससाठी पाय थिरकणार नाहीत असं होऊच शकत नाही. वैभव तत्ववादी,अमृता खानविलकर , मानसी नाईक, ऋतुजा शिंदे, सुमेधा मुदगलकर,मृण्मयी गोडबोले या मराठी स्टार्सचा डान्सधमाका असा काही रंगला किपुणेकरांनी अख्खा शनिवार वाडा डोक्यावर घेतला . यामध्ये लोककलेचाबाज असलेल्या गोंधळनृत्यासह सैनिकांच्या वेशभूषेतील ‘मल्हारी, पिंगाफेटा हा हटके फॅशन शो आणि रँप वॉक, झोकून देणाऱ्या प्रेमात वेडं करणारेझिंगाट साँग, लावणीचं फ्यूजन, मेलडी साँग आणि डान्स शो टिपेलापोहोचवणारा ढोलताशाचा गजर आणि जोडीला मायकल जॅक्सन असे धमालस्किट यामधून "युवोत्सव" पाहण्याचा रंग क्षणोक्षणी चढत गेला आणित्यावर पुणेकर मनापासून थिरकलेही . या सर्व धमाल मस्तीबरोबरच विशेषपोलिस महानिरीक्षक विश्वास नांगरे-पाटील यांच्या उपस्थितीने कार्यक्रमालाएक वेगळीच शान आणली .
अभिनेता आणि लेखक प्रियदर्शन, स्टँड कॉमेडीचा बादशहा अशीओळख असलेला शशिकांत केरकर, यांनी लोकांना पोट दुखेपर्यंत हसवले . छोट्या आणि मोठ्या पडद्यावरचा तरूणाईचा चेहरा अमेय वाघ आणिसर्वांची लाडकी स्पृहा जोशी या दोघांनीही उत्कृष्ट असे सूत्र संचालन करत झीयुवाच्या युवोत्सवाला एका वेगळ्याच उंचीवर नेऊन ठेवले. मराठीचित्रपटसृष्टीतील आघाडीचा आणि मोस्ट रोमँटिक असा अभिनेतास्वप्नील जोशी आणि तरुणाईची आजची धकधक गर्ल प्राथर्ना बेहेरे यांच्यालाजवाब परफॉर्मन्सने या झी युवाच्या "युवोत्सव " या नवं वर्षाच्याआगमनाच्या कार्यक्रमाची सांगता केली. ह्या कार्यक्रमाचे झी युवावर १जानेवारीला दुपारी १ वाजता आणि रात्री ८ वाजता प्रक्षेपण होईल.