विद्यालंकार कॉलेजच्या VERVE फेस्टविल मध्ये कलर्स मराठीवरील कलाकारांची धूम !

सख्या रे, अस्स सासर सुरेख बाई, 2 MAD आणि कॉमेडीची बुलेट ट्रेन मधील कलाकारांनी जिंकली विद्यार्थ्यांची मने !

मुंबई, २० फेब्रुवारी २०१७ : सध्या कॉलेजसमध्ये annual days आणि फेस्टची धूम सुरु आहे. सगळ्याच कॉलेजेसमध्ये उत्साहाचे आणि जोशपूर्ण वातावरण आहे. अश्या माहोलमध्ये मध्ये जर तुमचे लाडके कलाकार तुम्हाला भेटायला थेट तुमच्या कॉलेजमध्ये आले तर ? कलर्स मराठीवरील सख्या रे, अस्स सासर सुरेख बाई,कॉमेडीची बुलेट ट्रेन आणि 2 MAD या कार्यक्रमातील कलाकार नुकतेच विद्यालंकार कॉलेजमध्ये विद्यार्थांची भेट घेण्यासाठी गेले होते. आपल्या लाडक्या कलाकारांना कॉलेजमध्ये बघून विद्यार्थ्यांना आनंद झाला. जवळजवळ ८००-१००० विद्यार्थी या annual day च्या निमित्ताने आपल्या आवडत्या कलाकारांना बघयाला आले. कॉलेजमध्ये बऱ्याच प्रकारच्या ऍक्टिव्हीटी राबाविण्यात आल्या होत्या ज्याच्यासाठी सख्या रे मधील सुयश टिळक आणि रुची सवर्ण, अस्स सासर सुरेख बाई मधील महाराष्ट्राची लाडकी मृणाल दुसानीस आणि श्वेता पेंडसे, कॉमेडीची बुलेट ट्रेन मधील विनोदवीर योगेश शिरसाट आणि नम्रता आवटे आणि 2 MAD –महाराष्ट्राचा अस्सल डान्सर या सध्या गाजत असलेल्या कार्यक्रमातील स्पर्धकांनी म्हणजेच निखील, आर्या डोंगरे, सोनल विचारे आणि मंगेश यांनी विद्यार्थ्यांशी संवाद देखील साधला.

विद्यालंकारच्या कॉलेजच्या या फेस्टिवलला कमालीची धम्माल असते आणि विद्यार्थी देखील स्वत:हून कॉलेजमध्ये राबिण्यात आलेल्या प्रत्येक activity मध्ये आवर्जून भाग घेतात. या फेस्टीवलमध्ये मृणालला बघून प्रेक्षकांनी त्यांना झालेला आनंद आपल्या टाळ्यांच्या आवाजाने व्यक्त केला. मृणालने प्रेक्षकांसाठी गाण देखील म्हंटल जे प्रेक्षकांना खूपच आवडल. सुयेश आणि रुची यांनी “सख्या रे” मालिकेच्या शीर्षक गीतावर डान्स केला. तसेच विद्यालंकार कॉलेजची Mr.& Ms VIT या स्पर्धेचे परीक्षण केले. “ मला माझ्या कॉलेजेचे दिवस आठवले, विद्यालंकार कॉलेजमधील मुलं energetic आणि उत्साही आहेत, मला खूप आनंद झाला विद्यालंकार कॉलेजमध्ये येऊन”. या शब्दात सुयशने आपला आनंद व्यक्त केला. तसेच कॉलेजमधील मुलांनी अतिशय सुंदर असे act देखील सादर केले ज्याचे परीक्षण कॉमेडीची बुलेट ट्रेन मधील कलाकारांनी केल. त्यामधील देशभक्तीवर आधारित act बघून नम्रताच्या डोळ्यातून पाणी आले. पण या निमित्ताने सगळ्या विद्यार्थ्यांसोबत कलर्स मराठीच्या कलाकारांनी अनेक मोलाचे सल्ले शेअर केले. तसेच 2 MAD –महाराष्ट्राचा अस्सल डान्सर या सध्या गाजत असलेल्या कार्यक्रमातील स्पर्धकांनी म्हणजेच निखील, आर्या डोंगरे, सोनल विचारे आणि मंगेश यांनी आपल्या तुफान डान्सने विद्यार्थ्यांची मने जिंकली.