‘१६ व्या थर्ड आय आशियायी चित्रपट’ महोत्सवाचा सांगता समारंभ गुरुवार २८ डिसेंबरला सायं. ७.०० वा. रवींद्र मिनी ऑडिटोरियममध्ये संपन्न होणार आहे. महाराष्ट्राचे सांस्कृतिक कार्यमंत्री मा. विनोद तावडे प्रमुख अतिथी म्हणून उपस्थित रहाणार आहेत. त्यांच्या हस्ते द. भा. सामंत लिखित 'चंदेरी स्मृतिचित्रे' या पुस्तकाचे प्रकाशन होणार आहे.
द. भा. सामंत हे व्ही.शांताराम फौंडेशनमध्ये संशोधन सहाय्यक म्हणून १० वर्षे कार्यरत होते. त्यांनी बोलपट युगाच्या आरंभाची २० वर्षे अनुभवलेली आहेत. यातूनच त्यांनी त्या कालखंडाविषयी विपुल लेखन केले. तेच या पुस्तकात एकत्र करण्यात आलेले आहे.