दक्षिणात्य दिग्दर्शक मुरली नल्लप्पा दिग्दर्शित हा सिनेमा १ डिसेंबरला सर्वत्र प्रदर्शित होत आहे.
ह्या सिनेमाच्या टीझरमधून मराठीची ग्लॅम अभिनेत्री तेजस्विनी पंडित प्रथमच एका नव्या लुकमधून प्रेक्षकांसमोर आली आहे. ज्यात ती लेखिकेच्या भूमिकेत दिसून येते. या सिनेमाच्या टीझरमध्ये, तिने साकारलेल्या 'माया' या व्यक्तिरेखेच्या नजरेतून 'देवा' चा शोधप्रवास आपल्याला पाहायला मिळतो. शिवाय अतरंगी देवाच्या रंगबेरंगी छटा या ट्रेलरमध्ये दिसून येत असून, डॉ. मोहन आगाशे, वैभव मांगले, पंढरीनाथ कांबळे, मयूर पवार हे कलाकारदेखील आपणास पाहायला मिळतात. विशेष म्हणजे यापूर्वी प्रदर्शित करण्यात आलेल्या 'देवा' सिनेमाच्या पोस्टर आणि मोशन पिक्चर्समध्ये आतापर्यंत पाठमोरा दिसणारा अंकुश चौधरीदेखील प्रेक्षकांसमोर आला असल्यामुळे, त्याच्या चाहत्यांसाठी हा टीझर खास ठरत आहे. मायाच्या नजरेतला हा 'देवा' प्रेक्षकांसाठी मोठा कुतूहलाचा विषय बनत आहे.